2019 წელს მთავრობამ 1 ლარად 483 უძრავ-მოძრავი ქონება გაასხვისა

2019 წლის იანვარ-აგვისტოში მთავრობამ პირდაპირი მიყიდვის წესით 433 ქონება გაასხვისა, შედეგად ბიუჯეტში 3 151 081.73 ლარი შევიდა.

ამის შესახებ ინფორმაციას სახელმწიფო ქონების ეროვნული სააგენტო აცხადებს.

საპრივატიზაციო ობიქტებიდან 88% სიმბოლურ – 1 ლარად გასხვისებული ქონებაა, ჯამში 383 უძრავ/მოძრავი ქონება.

მიმდინარე წლის 8 თვეში ერთ ლარად გასხვისებულ ქონებებს შორის არის ბახმაროში დაახლოებით 44 ათასი კვ/მეტრი მიწის ნაკვეთი, 36,7 ათასი კვ/მეტრი საგარეჯოში და რამდენიმე მიწის ნაკვეთი თბილისში. ასევე 1 ლარად პრივატიზებულ ქონებებს შორის მოხვდა საცხოვრებელი ფართებიც, რამდენიმე ტრაქტორი და სხვა ავტოსატრანსპორტო საშუალება.

ამასთან, 2019 წლის იანვარ-აგვისტოში ქონების ეროვნული სააგენტოს მიერ პრივატიზებული ქონების შედეგად შემოსავალმა 54,7 მლნ ლარი შეადგინა. სულ კი გასხვისდა 861 უძრავ-მოძრავი ქონება, აქედან 433 პირდაპირი მიყიდვის წესით. აცხადებს სახელმწიფო ქონების ეროვნული სააგენტო

Total Page Visits: 177 - Today Page Visits: 2

Facebook Comments